Cancellation & Refund Policy

Last updated: 9 August 2026

Ye policy batati hai ki session cancel karne pe kya hota hai aur paisa kab wapas milta hai. Ye timelines platform pe automatic lagti hain.

Session cancel karna

Session se 8 ghante ya usse pehle cancel kiya:
Aapka credit wapas mil jaata hai. Aap usse doosra slot book kar sakte hain.

Session se 8 ghante ke andar cancel kiya:
Credit kat jaata hai. Trainer ne woh time aapke liye roka hua tha.

Trainer ne cancel kiya (kabhi bhi):
Aapka credit hamesha wapas milta hai. Trainer ki wajah se hui cancellation ka nuksaan aap nahi uthayenge.

Pack ka refund

Poora unused pack refund karana ho to humein contact karein.

Ek bhi session use nahi kiya aur kharid ko 7 din se kam hue — poora refund.
Kuch sessions use kar liye — bache hue sessions ka anupatik (pro-rata) refund.
Free trial ka koi refund nahi, kyunki uske paise liye hi nahi jaate.

Trainer ke link/code se aaye clients

Agar tum apne trainer ke invite link ya code se aaye ho, to trainer tumhara service provider hai. Trainer beech mein chhod de ya sessions poore na kare to HattaKatta refund nahi deta — hisaab tumhare aur trainer ke beech hai (Terms §7A). Ye baat pack kharidte waqt app mein manzoor hoti hai.

Refund kitne din mein

Request approve hone ke 5-7 working days ke andar refund shuru kar diya jaata hai.

Paisa usi tareeke se wapas jaata hai jisse aaya tha. Bank tak pahunchne mein aapke bank ke hisaab se 5-10 working days aur lag sakte hain.

Refund request pe humara jawab 2 working days ke andar aata hai.

Kaise maangein

Contact page se likhein — registered email aur payment ki tareekh saath mein dein.

Business details

Legal entity: Karan Gupta (sole proprietor)
Operating address: Noida, Uttar Pradesh, India
Email: karangupta.bizz@gmail.com
Phone: +91 99222 76345
GST (agar hai): N/A (GST registered nahi)