Privacy Policy

Ye policy batati hai ki hum aapka data kaise lete, rakhte aur istemaal karte hain.

Hum kya lete hain

• Account: naam, email, phone, city, role.
• Booking: sessions, credits aur payment ka record.
• Payment: payment hamare partner (Razorpay) ke through hota hai. Card ya bank ki detail hamare paas kabhi nahi aati.
• Profile photo: agar aap daalein.
• Assessment photos: agar aap AI plan ke liye photo dein. Ye optional hai.

Photos — ye zaroori hai

Assessment photos aapke phone pe hi crop hoti hain. App aapse kehti hai ki chehra frame se bahar kar dein, aur photo dobara banti hai jisse usmein chhupi location aur date ki jaankari nikal jaati hai. Ye photos private storage mein jaati hain — sirf aap aur aapka apna trainer inhe dekh sakta hai, aur link thodi der baad khud mar jaata hai. Aap inhe kabhi bhi hata sakte hain.

AI ka istemaal

Plan banane ke liye aapki jaankari aur photos ek AI service (Google Vertex AI) ko bheji jaati hain. Hum paid plan use karte hain, jismein Google is data se apne model train nahi karta. AI ka banaya plan seedha aap tak nahi jaata — pehle aapka trainer usse padhta aur badalta hai.

Hum kya nahi karte

Hum aapka data bechte nahi. Advertising ke liye kisi ko dete nahi.

Kaun dekh sakta hai

• Aapka apna trainer — sirf woh jaankari jo aapne uske liye di.
• Service providers: hosting/database (Supabase), payment (Razorpay), AI (Google).
• Kanoon zaroori kare to sarkari authority.

Kitne din rakhte hain

Account rehne tak. Aap account ya photos delete karein to hum unhe hata dete hain, sivaay un records ke jinhe kanoon (jaise tax) rakhne ko kehta hai.

Aapke haq

Aap apna data dekh, theek karwa ya delete karwa sakte hain. Humein likhein.